Ambasadori i markës sonë, Mark Maciver, mbi rritjen e klientelës së tij të famshme

Mark Maciver e hapi SliderCuts Studio në vitin 2018, por ka qenë duke prerë flokë që nga viti 2003. Gjatë karrierës së tij, ai ka ndërtuar një listë mbresëlënëse klientësh, ku bëjnë pjesë reperi britanik Stormzy dhe kampioni i botës në kategorinë e peshave të rënda, boksieri Anthony Joshua.

Ai është ekspert në fushën e tij. Ai është vlerësuar si një nga biznesmenët më të spikatur zezakë në Mbretërinë e Bashkuar pas fitores së tij në Black British Business Awards në vitin 2018 dhe është nominuar për një Evening Standard Business Award në vitin 2019. 

Dhe marka e tij shumë e njohur, SliderCuts, ka pasur një ndikim që shkon shumë përtej komunitetit të berberëve të Londrës Veriore. Ai është shfaqur në fushatën e Nike-it “Nothing Beats a Londoner” dhe në revista si GQ e Time Out. Marku është model frymëzimi për shumë njerëz dhe vazhdon ta vendosë komunitetin në qendër të gjithçkaje që bën. 

Në episodin e radhës të serisë sonë “Njihuni me partnerët”, bisedojmë me Markun për mënyrën se si e përdor Fresha-n për ta mbajtur biznesin e tij në lulëzim dhe përse nuk e ka problem t’u mësojë konkurrentëve të tij sekretet e biznesit. 

“Fresha ka luajtur një rol të madh në rritjen e biznesit tim”

“Më ka ndihmuar të fitoj më shumë para dhe ta bëj më të thjeshtë punën e përditshme. Dikur harxhoja rreth katër, pesë orë në ditë duke regjistruar klientët dhe një ditë thashë me vete: ‘Do të vijë dita kur ato katër, pesë orë do t’i kaloj duke prerë flokë’.”

Përdorimi i Fresha-s i ka mundësuar Markut ta shfrytëzojë kohën e tij më me mençuri. “Do të thotë se nuk më duhet të shqetësohem nëse sistemi po funksionon, si ta gjej një vend për këtë person, cilën mënyrë pagese të përdor e kështu me radhë.” Me Fresha nuk më duhet të shqetësohem për këtë, sepse ata kujdesen për të.”

Kështu, në vend që të “përfshihet në përpjekjet për të siguruar rritjen e biznesit ose në marketing”, ai mund ta përqendrojë kohën e tij te gjërat e rëndësishme: të krijojë komunitetin e berberhanës që kishte vendosur të krijonte. Një vend ku “të gjithë të dinë emrin dhe janë gjithmonë të gëzuar që ke ardhur, dhe këtë e ndjen sapo hyn në dyqan”.  

Dhe, natyrisht, të kesh kohë për familjen: “Të kesh një sistem prenotimesh do të thotë se mund të jetosh jetën tënde, të kalosh më shumë kohë me miqtë, me familjen e kështu me radhë, por megjithatë të marrësh edhe më shumë prenotime.”

Kur hymë në SliderCuts Studio, Marku po jepte një tutorial. Për të, konkurrentët nuk përbëjnë kërcënim. Ata janë pjesë e asaj komuniteti, ashtu siç janë edhe klientët e tij. 

“Më thonë se jam budalla sepse u mësoj konkurrentëve gjëra që mund të më nxjerrin jashtë biznesit.” 

"Më duket se ka hapësirë të mjaftueshme që shumë të lulëzojnë." Në një pyll nuk mund të rritet vetëm një pemë.”

“Ne mund të kemi një berberhane plot e përplot, dhe ata mund të kenë një berberhane plot e përplot. Dhe ka ende vend për hapjen e një dyqani tjetër berberësh. Për sa kohë që e realizoj vizionin tim, ky dyqan funksionon ashtu siç dua unë dhe ka ndikimin që dua të ketë në shoqëri, ç'rëndësi ka?”

“Gjithmonë do t'ua rekomandoja Fresha-n kolegëve të tjerë në sektorin e berberisë”

“I përdor shpesh raportet nga Fresha për të vlerësuar biznesin tim dhe për të parë se ku ndodhet. Promocionet e marketingut nga Fresha më kanë ndihmuar të fitoj më shumë para. Fresha është partneri ideal.”

Dhe cila është veçoria e preferuar e Markut te Fresha? Çmimet inteligjente. 

Çmimet inteligjente janë një veçori që të lejon të ndryshosh sa kushtojnë shërbimet e tua në varësi të kohës. Kështu, nëse vëren se më shumë njerëz prenotojnë midis orës 13:00 dhe 18:00, mund t'i ulësh çmimet për oraret përreth kësaj periudhe, për të nxitur më shumë prenotime. Ose, nëse dëshiron të ofrosh orare në të cilat zakonisht nuk punon (për shembull, herët në mëngjes ose të dielën), mund të vendosësh çmime më të larta. 

“I vendos çmime të ndryshme sipas orarit dhe ditëve.” Na thotë Marku. “Kam një çmim bazë, që vlen nga ora 9:00 deri në 1:00, por bëj edhe prerje flokësh herët në mëngjes, të cilat kushtojnë më shumë.” 

“Edhe promocionet e marketingut më kanë ndihmuar të fitoj më shumë para.” Mund t'u dërgoj thjesht një mesazh me tekst ose një email të gjithë klientëve të mi, ose një grupi të caktuar klientësh (si klientët që kanë prenotuar disa herë, ose vetëm një herë). Një herë u dërgova një mesazh të gjithë klientëve të mi dhe fitova rreth 4500 £.”

“Ajo që nuk e kupton është se shumë njerëz duan të presin flokët, por thjesht nuk u është dhënë shtysa.”

“Dhe kjo është arsyeja pse kam një partneritet të shkëlqyer me Fresha-n. Sepse ata kujdesen për mua dhe unë kujdesem për ta.”

“Dhe kur them se kujdesem për ta, kjo do të thotë shumë. Më intereson produkti i tyre dhe e di që do t'u hynte në punë edhe njerëzve të tjerë. Kur ia shes të tjerëve dhe u flas njerëzve për të, e bëj sepse e di sa mirë do t’u bëjë atyre.”

“Pas pesë vjetësh e shoh SliderCuts si një markë që do të jetë diçka më shumë sesa thjesht një berber”

“Shpresoj që të bëhet një qendër që filloi me prerje flokësh dhe që njerëzit e njohin ende për to, por që njëkohësisht të lidhet edhe me mentorim, projekte komunitare, libra, biseda dhe gjëra të tilla.”